Sabon hari: Yan bindiga sun kashe rayuka 9, sun raunata wasu tare da sace wasu a Katsina

‘Yan bindiga da ake zargin Fulani ne sun kai hari wasu yankuna biyu da ke karamar hukumar Batsari ta jihar Katsina.

Kamar yadda Katsina Put up ta wallafa, yankunan da aka kai harin sune Tsauwa da Gandu.

Jaridar ta wallafa cewa, a kalla rayuka tara suka salwanta yayin da wasu da yawa suka samu miyagun raunika kuma aka yi garkuwa da wasu.

Yan bindiga sun kashe rayuka 9, sun raunata wasu tare da sace wasu a Katsina

Idan za mu tuna, a watanni kadan da suka gabata ne ‘yan bindiga suka kai harin daukar fansa a kauyen Tsauwa.

Kashe-kashe da garkuwa da mutane ya zama ruwan dare a jihar Katsina duk da jami’an tsaron da suka yawaita a jihar.

A wani labari na daban, hedkwatar tsaro ta ce dakarun sojin saman Operation Lafiya Dole ta samu babban nasara ta hanyar halaka tushe da maboyar ‘yan ta’adda a yankin arewa maso gabas a ranar bikin zagayowar cikar Najeriya shekaru 60 da samun ‘yancin kai.

Kalli Hotunan ‘Ya’yan Hafsat Barauniya Da Ta Haifa Da Cikinta Saurayi Da Budurwa

Shugaban fannin yada labarai na rundunar, John Enenche, ya sanar da hakan a wata takarda da ya fitar ranar Asabar a Abuja.

Manjo Janar Enenche, ya ce a ranar 1 ga watan Oktoba, dakarun sojin sun kashe ‘yan ta’adda masu tarin yawa da maboyarsu a Maima da Tusuy kusa da Warshale da Tongule a yankin Dikwa-Rann da ke Borno.

Ya ce nasarar an sameta ne bayan bayanan sirri da suka samu wanda ya bayyana inda ‘yan ta’addan suke kuma suke samun mafaka.

 95 total views,  1 views today

About M. Jamiu 398 Articles
Hausa News Editor & Sport Director

Be the first to comment

Leave a Reply