Wasu ‘yan matan Chibok sun sake tsere wa daga hannun Boko Haram

1
34

Wasu daga cikin yan matan makarantar mata ta Chibok da Boko Haram suka sace tun a shekarar 2014 sun tsere daga hannun su a yau, Each day Belief ta ruwaito.

Daya daga cikin iyayen yaran da ya yi magana da Each day belief ya ce jami’an da ke kula da yan matan sun tuntubi iyayen da abin ya shafa inda ya ce akwai yiwuwar a gayyace su Maiduguri nan gaba.

Wata majiya ta ce Halima Ali tana daga cikin yan matan da aka yi imanin cewa tsere shekaru biyar bayan da yar uwarta Maryam ta gudo.

Wasu 'yan matan Chibok sun sake tsere wa daga hannun Boko Haram

Mutum 4 sun rasa rayyukansu sakamakon sabon harin da ‘yan bindiga suka kai a Kaduna

Majiyar Mobilized9ja ta gano cewa an daura wa Halima aure da wani kwamanda bisa umurnin Abubakar Shekau watanni kadan bayan sace su daga makarantarsu ta kwana da ke Chibok.

An yi kokarin tuntubar mahaifin Halima amma hakan bai yi wu ba sai dai majiya kwakwara ta shaidawa wakilin Each day Belief cewa yan uwa da abokan arziki sun dunguma zuwa gidansu Halima don taya su murna.

Sakataren kungiyar iyayen dalibai na makaranatar Chibok, Lawal Zannah, ya ce ya samu labarin cewa wasu daga cikin yan matan sun gudo amma bai tantance adadinsu ba.

“Mun ji cewa wasu daga cikin yan matan mu sun gudo daga cikin daji amma ba mu samu cikaken bayanin adadinsu ba,” in ji Zannah.

Wasu mayakan Boko Haram ne suka sace matan su 219 daga makarantarsu a 2014 abinda ya dauki hankalin kasashen duniya.

A wani labarin daban, Hukumar Kula da Makarantun Frimare, SUBEB, ta Jihar Kaduna ta sanar da sallamar wasu malaman firamare 65, kamar yadda Kamfanin dillancin labarai na NANS ya ruwaito.

An ruwaito cewa an dauke su ba bisa ka’ida ba a karamar hukumar Sanga da ke jihar kamar yadda Premium Occasions ta wallafa. Gwamnatin Kaduna ta kori malamai 65 daga aiki.

Jami’in binciken SUBEB, Tandat Kutama, wanda ya rike sakataren kwamitin bincike, ya tabbatar wa da NAN rahoton a Kaduna.

1 COMMENT

What's On Your Mind?