Shugaban ASUU ya ce Malamai ba za su yi aiki cikin yunwa ba

Alamu su na nuna cewa idan ranar bude makarantu ta zo a Najeriya, za a samu jami’o’in gwamnatin tarayya a rufe saboda yajin aikin ma’aikata.

Kungiyar ASUU ta malaman jami’a, ta yi watsi da umarnin da gwamnatin tarayya ta bada na cewa a koma bakin aiki a ranar 12 ga watan Oktoba, 2020.

Shugaban kungiyar ASUU na kasa, Biodun Ogunyemi ya shaidawa jaridar Punch cewa gwamnati ba da gaske ta ke wajen kawo karshen yajin-aikinsu ba.

A wata hira ta wayar salula, Farfesa Biodun Ogunyemi ya ce ‘yan ASUU ba za koma aji da yunwa ba, sakamakon watanni da su ka yi ba a biyansu albashi.

Shugaban ASUU ya ce Malamai ba za su yi aiki cikin yunwa ba

Biodun Ogunyemi ya soki Akanta-janar na kasa, Ahmed Idris, na sabawa umarnin da shugaban kasa ya bada na cewa a biya malaman makaranta albashinsu.

Farfesan ya nuna cewa a shiryawa dogon yajin-aiki a sakamakon salon da gwamnati ta dauka.

Shugaban na ASUU ya tabbatarwa manema labarai cewa malaman jami’a ba za su koma aji a yanayin da ake ciki ba, rabon wasunsu da albashi tun Fubrairu.

“Ba ku sa ran cewa mutane su koma ofis su zauna da yunwa. Ba ku sa ran ‘yan kungiyarmu za su dakatar da yaji yayin da ba a biya bukatunsu ba.” Inji sa.

Yan bindiga sun kashe jami’in kwastam da wasu 9 a Katsina

Farfesan ya ce tun Agusta su ka rubutawa gwamnatin tarayya takarda cewa solar yarda ayi amfani da manhajar UTAS maimakon IPPIS wajen biyansu albashi.

Ya ce gwamnatin tarayya ba ta ba ASUU amsa ba sai bayan fiye da kwanaki 40. A cewarsa da gangan ake yin wannan domin a fusata kokarin malaman jami’a.

Farfesa Ogunyemi ya ce duk wanda ya shiga cikin rigar kungiyar ASUU, abin da zai yi kenan.

Ana cikin wannan yanayi kuma kungiyoyin SSANU da NASU solar fito su na kokawa a kan manhajar IPPIS da aka kawo wajen biyan albashi a gwamnati.

 65 total views,  1 views today

About M. Jamiu 365 Articles
Hausa News Editor & Sport Director

Be the first to comment

Leave a Reply