PDP ta dakatar da wani shugabanta a jihar Katsina

0
18

Jam’iyyar PDP ta jihar Katsina reshen karamar hukumar Matazu ta dakatar da shugabanta, Honarabul Murtala Tukur Karadua a kan zarginsa da ayyukan cin amana a jam’iyyar.

An kai ga matsayar dakatar da Honarabul Tukur Murtala Karadua ne a taron da shugabanni da kuma dattawan mazabu 10 na karamar hukumar Matazu suka yi a ranar Alhamis, 11 ga watan Fabrairun 2021.

Kamar yadda takardar da Bashir Ibrahim Matazu, jami’in yada labaran jam’iyyar na kafafen sada zumunta ya aikawa da Legit.ng ta bayyana, an yi wannan dakatarwan ne bisa dogaro da sashi na 58 na kudin tsarin mulkin jam’iyyar wanda aka gyara a 2017.

“Jam’iyyar PDP ta karamar hukumar Matazu ta dakatar da Honarabul Murtala Tukur Karadua a matsayin shugabanta.

PDP ta dakatar da wani shugabanta a jihar Katsina

Fulani sun yarda ayi wa duk Makiyayi rajista, za su fallasa ‘Yan bindiga

“Zai dakata daga shugabancin jam’iyyar har sai an kammala bincike a kan abubuwan da ake tuhumarsa da su kamar yadda kundin tsarin mulkin jam’iyyar ya tanadar,” takardar tace.

Har ila yau, a wannan taron ne shugabanni da dattawan jam’iyyar suka mika ragamar shugabancin jam’iyyar a karamar hukumar hannun Honarabul Jabiru Adamu Rinjin Idi na rikon kwarya.

A wani labari na daban, Wata kotun majistare da ke zama a Sokoto ta kama wasu matasa da laifin yada bidiyon tsiraicin wata yarinya a kafafen sada zumuntar zamani.

Wadanda ake zargin sune wani Aminu Tafida, da mai ada shawara na musamman ga Gwamna Aminu Waziri Tambuwal, Umar Abubakar da Mas’ud Gidado.

Amma kuma wanda ake zargi na hudu mai suna Aliyu Shehu kangiwa an wanke shi saboda bashi da wata alaka da wannan laifin, Every day Belief ta wallafa.

What's On Your Mind?