Mayakan Boko Haram sun kai hari kananan hukumomi 2 a Borno, sun sheke mutane

0
23

Bai wuce kwana 2 ba da ‘yan Boko Haram suka afka Egiri, Zira I da II dake karkashin karamar hukumar Biu wanda hakan yayi sanadiyyar asarar gidaje da dama, sun kara kai hari kananun hukumomin Marte da Gubio dake jihar Borno a daren Talata.

Kamar yadda labarai suka gabata, ‘yan bindigan sun afka mazaunin ‘yan sa kai da mahauta inda suka bude musu wuta har suna kashe wasu suka kuma ji wa wasu raunuka kafin sojoji su mayar musu da harin.

Mayakan Boko Haram sun kai hari kananan hukumomi 2 a Borno, sun sheke mutane

A Marte kuwa sai da ‘yan bindigan suka afka anguwar sabuwar Marte da miyagun makamai suna harbe-harbe jama’a na gudun neman tsira.

An samu labarin cewa tun ranar Talata har Laraba da rana sun mamaye garin kafin sojoji su fara mayar musu da hari, Vanguard ta ruwaito.

(*2*)

Dan majalisa mai wakiltar mazabar Marte, Hon. Marte Mohammed Gambomi ya tabbatar da harin da aka kai wa garin Marte.

Ya tabbatar wa da manema labarai cewa an kira shi an sanar dashi yadda ‘yan Boko Haram suka afka Marte, amma bai sanar da yawan mutanen da suka kai wa hari ba, sai dai ya ce sun taba gidaje.

A cewarsa; “Eh ‘yan Boko Haram sun kai hari Marte a ranar Talata kamar yadda na samu labari, amma jama’a sun tsere.”

A wani labari na daban, tsohon hafsin sojojin kasa na Najeriya, laftanal janar Azubuike Ihejirika mai murabus, ya shiga jam’iyyar APC.

Ya bayyana hakan ne yayin da yayi rijistar jam’iyyar a ranar Talata, kamar yadda Vanguard ta ruwaito.

Idan ba a manta ba, ya rike kujerar shugabancin sojin ne daga 2010 zuwa 2014 karkashin mulkin tsohon shugaban kasa Goodluck Jonathan, sannan ya bayyana kudirin komawa jam’iyyar APC din ne a garinsu na Isuikwuato dake mazabar Abia ta arewa.

 216 total views,  3 views today

LEAVE A REPLY

Please enter your comment!
Please enter your name here