Jahilai ne ke sukar fatawar Sheikh Bashir Aliyu Umar kan sakin aure a film – Sheikh Umar Sani Fagge

0
76

Jahilai ne ke sukar fatawar Sheikh Bashir Aliyu Umar kan sakin aure a film – Sheikh Umar Sani Fagge

Fitaccen malamin addinin musuluncin nan da ke jihar Kano, Sheikh Umar Sani Fagge, ya ce marasa Ilimi ne ke sukar fatawar da Dakta Bashir Aliyu Umar ya yi akan duk wanda ya saki matarsa a cikin shirin film to ta gida ta saku.

Sheikh Umar Sani Fagge ya yi wannan bayanine ta cikin wani fai-fafan bidiyo mai munti 1:30 da aka wallafa a shafin fb ranar Litinin.

Haka kuma Sheikh Umar Sani Fagge ya ce duk wanda ya soki fatawar Dakta Bashir Aliyu Umar to ya nuna baya karatu kuma bai san darajar malanta ba.

Idan za a iya tunawa dai Dakta Bashir Aliyu Umar da ke zaman babban limanin masallacin juma’a na Alfurqan ya ce duk wanda ya saki mace a cikin shirin film to dai-dai yake da sakin matarsa ta gida.

Shehin malamin ya ce duk wani danwasa da ya furtawa matarsa ta film saki, to ba bu shakka ya saki matarsa ta gida, kuma babu aure a tsakaninsu.

Martanin Sayyadi Bashir Sheikh Dahiru Bauchi Ga Gwaman Kaduna El-rufai Akan Almajirai Da Ake Deba

“Ko da wasa idan kazo aka daura maka aure a film, mutum ya ce ya saki matansa kuma yana da mata, kuma ya fada ya ce ai matan nawa duk na sake su, wai yana nufin matansa na wasan Hausa, to na gasken solar tafi.

“Ba a wasa da sha’anin saki, ko kuma aure, kazo a cikin wasan Hausa a ce an daura maka aure, sannan kace kuma wannan ba aure ba ne? kuma an daura aure an cika sharadan aure, to aure ya dauro.

Kamar yadda labarai24 na ruwaito.To sai dai wannan fatawa bata yiwa jama’a da dama dadiba, musamman masu sana’ar film.

Hakance ta sanya jama’a suka fara surutai da sukar malamin a shafukan sada zumunta na fb da sauransu.

Sai dai Malam Umar Sani Fagge ya fito ya baiwa malamin kariya, inda ya ce fatawarsa na kan dai-dai.

Har ma ya kawo hadisai da suka dace da fatawar, inda ya ce bisa doron hadisin, saki baya la’akari da niyya, indai anyishi ko da wasa to ya tabbata.

What's On Your Mind?