Iyan Zazzau Ya Garzaya Kotu Don Kalubalantar Nadin Ahmad Bamalli

Iyan Zazzau Ya Garzaya Kotu Don Kalubalantar Nadin Ahmad Bamalli

Iyan Zazzau, Alhaji Bashir Aminu, ya maka gwamnan jihar Kaduna, Nasir El-Rufai a kotu saboda nada Ambasada Ahmad Nuhu Bamalli a matsayin sabon sarkin Zazzau don maye gurbin Dakta Shehu Idris da ya rasu a ranar 20 ga watan Satumba.

A cikin takardar karar da ya shigar a babban kotun jihar Kaduna a yau Litinin, Aminu na son kotun ta bada umurnin nada shi Sarki duba da cewa shine ya fi samun kuri’u mafi yawa a zaben da masu zaben Sarki suka yi kamar yadda rahotanni suka tabbatar.

A ranar 25 ga watan Satumba, masu zaben Sarki na masarautar Zazzau karkashin jagorancin Wazirin Zazzau, Ibrahim Aminu suka mika jerin sunayen yarimomi uku don zaben daya daga cikinsu a matsayin sabon Sarki Zazzau, amma gwamnan jihar Kaduna ya yi kafar ungulu da sunayen. Inda bayan kwanaki aka sanar da Ambasada Ahmad Bamalli a matsayin sabon Sarkin Zazzau.

 427 total views,  9 views today

About M. Jamiu 433 Articles
Hausa News Editor & Sport Director

Be the first to comment

Leave a Reply