Hazard Zai Yi Kokari Idan Yazo Gidan Chelsea –Tuchel

0
90

Hazard Zai Yi Kokari Idan Yazo Gidan Chelsea –Tuchel

Mai horar da ‘yan wasan kungiyar kwallon kafa ta Chelsea, Thomas Tuchel, ya amsa cewa tabbas tsohon dan wasan kungiyar tasa dake buga wasa da Actual Madrid, Eden Hazard zai yi kokarin nuna bajinta wajen samarwa tawagarsa maki a karawar kungiyoyin biyu karkashin gasar zakarun turai.

Hazard dan asalin kasar Belgium, wanda ya rika fama da jinyar raunin tun bayan sauya shekarsa zuwa Spain a shekarar 2019 kan yuro miliyan 89, har kawo yanzu kwallaye four kacal ya iya zurawa sabuwar kungiyar tasa Actual Madrid cikin dukkanin wasannin da ya doka mata.

Sai dai a baya-bayan nan ne dan wasan ya dawo daga jinya kuma yana daga cikin wadanda  suka fafata a karawar farko da kungiyoyin suka tashi 1-1, wanda Tuchel ke cewa akwai yiwuwar ya yi iyakar kokarinsa wajen nuna bajinta kan tsohuwar kungiyar tasa idan an sake haduwa a sati mai zuwa.

A cewar Tuchel Hazard gogaggen dan wasa ne kuma haziki, wanda har yanzu su na bashi dukkanin girmamawar da ta kamata haka zalika basa manta irin gagarumar gudunmawar da ya bai wa Chelsea.

“Hazard babban dan wasa ne kuma muna girmama shi a Chelsea a kowanne lokaci musamman ganin irin bajintar daya nuna a lokacin da yake buga mana wasa kuma har yanzu muna ganin darajarsa” in ji Tuchel

Ya kara da cewa “Zamu karrama shi duk lokacin da yazo Chelsea saboda gidansa ne kuma kowa da kowa yana girmama shi kuma zai tabbatar da cewa har yanzu yana zukatan ‘yan Chelsea duk da cewa babu magoya baya”

Tun  bayan komawarsa kungiyar Chelsea dai Hazard yake fama da ciwo wanda hakan yasa aka fara danganta dan wasan da barin Actual Madrid kuma cikin kungiyoyin da akace zai koma har da kungiyar Chelsea.

What's On Your Mind?