Abinda Ya Biyo Bayan Bude Garin Baga Na Jihar Borno – Datti Assalafy

Bayan da Maigirma gwamnan jihar Borno Farfesa Babagana Umara Zulum ya bude garin Baga a hukumance, ya kuma fara mayar da mutane daga sansanin gudun hijira, yanzu haka mutanen Baga suna tururuwar kai kansu daga Maiduguri zuwa garin Monguno, wanda anan ne akayi sansani sannan a wuce da su zuwa garin Baga a jerin gwanon motoci (convoy)

To amma matsalar da ake fuskanta kuma itace mayakan Boko Haram solar kafa shingen binciken ababen hawa (checking level), suna karbar kudade da wayoyi daga hannun matafiya, ana samun a kalla shingen bincike (gate) na Boko Haram har guda shida tsakanin birnin Maiduguri zuwa garin Monguno, a wasu lokutan su kan kama mutanen da suke zargin ma’aikatan gwamnati ne ko na kungiyoyin agaji (NGOs) su tafi da su jeji

Uwa ta yi wa ‘ya’yanta yankan rago saboda kishiya in Kano

Abinda Ya Biyo Bayan Bude Garin Baga Na Jihar Borno - Datti Assalafy

Ban taba binciko wani lokaci da Boko Haram suke fama da tsananin talauci ba kamar wannan lokacin, domin idan solar tare hanyar Monguno ko naira 50 suka tarar a jikin mutum karba suke, suna kwace kowace irin waya, idan sunga rigar jikinka yana da kyau zasu karba, takalmi kuwa har da silifas karba suke, abinci, sabulun wanka, reza duk suna karba, suna caje jikin mutane maza da mata tsaf suna karban duk wani abu da suka samu su tafi dashi jeji

Amma yanzu abin yafi kamari, domin duk da wannan lamari ya kai kwana hudu yana faruwa amma har yanzu babu wani mataki da hukumomi na soja ko na siyasa suka dauka, sannan babu wata kafar watsa labarai da ta wallafa labarin, amma kowa yayi imani da cewa hakan yana wakana ga wadanda suke tashi daga birnin Maiduguri su tafi garin Monguno zasu tabbatar

Maganar gaskiya Gwamna Zulum yana kokari kuma niyyarsa mai kyau ne, sai dai bashi da sojoji bashi da ‘yan sanda, abinda yake dashi ‘yan kato da gora ne, su kuma basu da karfin tabbatar da tsaro akan hanyar Monguno balle su hana Boko Haram yiwa mutane kwace da fashi da makami

Muna jawo hankalin Maigirma shugaban kasa Muhammadu Buhari ayi bincike a dauki matakin da ya dace, Boko Haram solar kafa shingen duba ababen hawa suna yiwa mutane fashi da makami a hanyar zuwa garin Mai bawa shugaban kasa shawara akan tsaro

Allah Ka kawo mana karshen wannan masifa Amin

 101 total views,  3 views today

About M. Jamiu 398 Articles
Hausa News Editor & Sport Director

Be the first to comment

Leave a Reply